Dwa ak Responsabilite Itilizatè yo

Wellframe vle pou moun ki itilize aplikasyon nou yo konprann kijan l fonksyone. Sa etabli konfyans ant itilizatè (manm) nou yo ak plan sante nou travay pou yo a (kliyan nou yo).

Solisyon Jesyon Nimerik Swen Wellframe lan konekte w dirèkteman ak ekip swen w lan. Nan ekip sa a, ka genyen ekspè nan swen sante ak pèsonèl sipò. Pafwa, yo pral mande w pou konplete kesyonè sou sante nan aplikasyon an. Kesyonè sa yo ede ekip swen w lan ba w sipò e sa ede w atenn objektif sante w yo. Ou ka mande Wellframe pou l sispann pataje enfòmasyon sa a, nenpòt lè. Pou konnen kijan pou fè sa, tanpri kontakte sèvis sipò a: Kontakte – Sèvis Sipò Wellframe.

Wellframe vle amelyore sante manm yo. Avèk Wellframe, ou kapab wè resous sou sante ki genyen yo e ou ka pale dirèkteman ak ekip swen w lan, ou ka fè tout sa, yon grenn kote. Sa pèmèt ekip swen w lan adrese bezwen w genyen pou sante w, byen rapid. Pou aprann plis enfòmasyon sou kijan Wellframe fonksyone, ale nan Wellframe – Jesyon Nimerik Sante (Digital Health Management). 

Kontra Lisans pou Itilizatè Final (EULA) nou an bay plis detay sou jan w itilize Wellframe. Itilizasyon Wellframe se chwa pa w. Ou kapab sispann itilize l nenpòt lè. Lè w konekte nan aplikasyon an, ou kapab anile enskripsyon w oswa siprime kont ou an. Pou aprann kijan pou fè sa, ale nan Siprime Kont Ou – Sèvis Sipò Wellframe (Delete Your Account – Wellframe Support). 

Se dwa manm Wellframe yo pou yo trete yo defason ekitab e avèk respè. Ou kapab rapòte pwoblèm ak aplikasyon an oswa pote plent, nan aplikasyon an, nan telefòn oswa lè w voye yon imèl. Ekip Sipò Kliyan nou an pral egzamine plent ou an epi ap kenbe w enfòme jiskaske pwoblèm nan rezoud. Pou kesyon ki prezante souvan, al gade nan seksyon Kesyon Moun Poze Souvan (FAQ). Si w bezwen asistans, tanpri ale nan Kontakte – Sèvis Sipò Wellframe. Ou kapab rele Biwo Asistans nou an tou nan (844) 452-4085 (peze 1).

Gen dèfwa ou ka wè toude, logo Wellframe lan ak logo plan sante w la nan aplikasyon an. Se pa pou fè piblisite ke yo la, e Wellframe pa resevwa peman pou pwomosyon pwodui oswa sèvis pou manm yo.

Wellframe fè patide HealthEdge®, ki se yon konpayi ki ofri pwodui pou sipòte endistri swen sante a. Pwodui nou yo ede plan sante yo amelyore swen pou manm yo.

Si w gen nenpòt kesyon sou Dwa ak Responsabilite w yo antanke yon manm Wellframe, tanpri ale nan seksyon Kontakte – Sèvis Sipò Wellframe. Ou kapab rele Biwo Asistans nou an tou nan (844) 452-4085 (peze 1).