Onglè Pwogrè

Onglè Pwogrè a

Kit se kantite pa ou fè chak jou, pran medikaman, lekti sik nan san, oswa pwa, li fasil pou ou jwenn aksè ak tout enfòmasyon ou yo sou onglè sa a! 

• Pwogrè konsènan sa a ki fèt nan Lis Kontwòl la ak Medikaman ou Pran yo 

• Pwogrè nan Suiv Kantite Pa Chak Jou 

• Grafik Byometri (Dwe enskri nan Pwogram Swen Byometrik) 

• Dat Matènite 

• Dat yo pou Pwosedi Chirijikal 

Lis Kontwòl ak Pran Medikaman 

Endikatè chak jou yo pral parèt, atravè widjèt, sou pwogrè w pou jou aktyèl la ak 6 jou anvan yo pou: 

• Reyalizasyon atik ki nan lis kontwòl yo 

• Pran medikaman pou semèn nan. 

Pwogrè w endike nan sèk ki chanje selon sa a ou te fè. 

• Sèk Gri Konplè: Ou pa te gen okenn rapèl/travay pou w fè pou jou sa a 

• Sèk Gri Konplè avèk X: Ou te gen medikaman pou ou pran nan jou sa a, men ou pa te make ou te pran medikaman yo 

• Yon Pati Gri: Pousantaj rapèl/travay ki pa te fèt pou jou sa a 

• Yon Pati ble: Pousantaj rapèl/travay ki te fèt pou jou sa a. 

Sèk Vèt ak yon Mak Verifikasyon: 100% rapèl/travay ou yo te fèt pou jou sa a.  

Kontè Pa 

Remak: Si w pa genyen konfigirasyon “Step Counter” (Kontè Kantite Pa yo) ou a, tanpri ale la a pou enstriksyon sou konfigirasyon yo.  

Kontè Pa a otomatikman anrejistre pa yo chak jou. Chak jou, yon atik ap parèt sou lis verifikasyon w lan, ki montre pwogrè nan objektif swiv pa chak jou w la!  

Sou onglè Pwogrè a, ou pral gen yon reprezantasyon grafik: 

• Kantite pa ou fè pou jounen jodi a ak pou 6 dènye jou yo 

• Mwayèn total pa ou fè pou 7 dènye jou yo 

• Kantite total pa ou fè pou 7 dènye jou yo an mil 

Epitou graf sa a pèmèt ou modifye Objektif Kantite Pa ou vle fè yo lè l peze sou onglè kreyon an ki anwo adwat sou graf la, mete yon nouvo objektif epi apresa peze onglè Save la. Nouvo kantite pa ou vize fè yo ap kòmanse nan pwochen jou a. 

Reprezantasyon Grafik Byometri yo

(Remak: Ou dwe enskri nan Pwogram Swen Byometrik ki aplikab la pou ou wè tablo sa yo ): 

• Lekti Sik nan San – Montre nòt 7 jou ki sot pase yo ak dat yo. 

• Lekti Tansyon Ateryèl – Montre nòt 7 jou ki sot pase yo ak dat yo. 

• Pwa – Montre nòt 7 jou ki sot pase yo ak dat yo. 

Suivi Sik Nan San 

Si w enskri nan yon pwogram byometrik sik nan san, w ap kapab swiv nivo sik nan san w pou jou aktyèl la ak pou 6 jou anvan yo, ki montre kòman yo konpare ak nivo ki rekòmande a. 
 
Remak: Pou plis enfòmasyon sou fason pou anrejistre sik nan san ou lè w konekte glikomèt ou, gade nan atik sa a. 

Chak jou, lè w antre lekti sik nan san w nan lis verifikasyon an, l ap parèt sou graf sa a. Si w nan plis pase yon pwogram sik nan san, chak lekti pral gen yon koulè diferan. 

Grafik la montre 7 dènye jou yo, tankou jodi a. Pou ou wè lekti ki pi ansyen yo, klike flèch ki nan kwen anwo graf la. 

Sa a pral mennen w nan yon ekran kote ou ka defile dat ki sot pase yo epi wè lekti ou yo nan yon fòma lis. 

Epitou ou ka pataje (ekspòte) lis lekti w yo lè w klike sou bouton “Share” (pataje) a.  

Widjèt Tansyon Ateryèl 

Si w enskri nan yon pwogram byometrik tansyon, w ap kapab anrejistre epi swiv lekti tansyon w yo lè w antre lekti w la atravè yon atik nan lis verifikasyon an. 

Lè w antre lekti tansyon w ki nan lis verifikasyon an, l ap parèt sou graf sa a. Yon echèl pou chif rezilta yo agoch (aks Y), epi dat kontwòl yo te fèt ap sou anba (aks X). 

Graf la montre 7 dènye lekti yo. Pou ou wè lekti ki pi ansyen yo, klike flèch ki nan kwen anwo graf la. 

Sa a pral mennen w nan yon ekran kote ou ka defile dat ki sot pase yo epi wè lekti ou yo nan yon fòma lis. 

Epitou ou ka pataje (ekspòte) lis lekti w yo lè w klike sou bouton “Share” (pataje) a.

Pou w agrandi graf la nan vizyalizasyon sa a, klike sou onglè “expand” (agrandi) a nan kwen anwo adwat ekran an. 

Widjèt Pwa  

Si w enskri nan yon pwogram swivi pwa, w ap kapab anrejistre epi swiv lekti pwa w yo lè w antre lekti w yo atravè yon atik nan lis verifikasyon an. 

Lè w antre lekti pwa w ki nan lis verifikasyon an, l ap parèt sou graf sa a.  

Graf la montre 7 dènye lekti yo. Pou ou wè lekti ki pi ansyen yo, klike flèch ki nan kwen anwo graf la. 

Sa a pral mennen w nan yon ekran kote ou ka defile dat ki sot pase yo epi wè lekti ou yo nan yon fòma lis. 

Epitou ou ka pataje (ekspòte) lis lekti w yo lè w klike sou bouton “Share” (pataje) a. 

Pou w agrandi graf la nan vizyalizasyon sa a, klike sou onglè “expand” (agrandi) a nan kwen anwo adwat ekran an.

Dat yo pou Pwosedi a 

Si w enskri nan yon pwogram byen presi pou dat pwosedi/sante (pa egzanp yon pwochen operasyon oswa yon operasyon ki fin fèt) kapab ajoute, wè ak modifye dat sa yo nan Onglè Pwogrè a. Sa asire ke kontni ou resevwa nan Pwogram Swen ou koresponn ak etap ki kòrèk la nan pakou swen sante ou. 

• Pou w ajoute dat yo, ou ka tape ti imaj kreyon an akote “Enter Date” (antre dat), apresa w ap glise pou w ale nan selektè dat la pou w seleksyone Mwa, Jou ak Ane kòrèk la. 

• Epitou, pou modifye dat sa yo annapre, ou ka peze ti imaj kreyon an akote dat ki afiche aktyèlman an. 

Pwogram Matènite 

Si w nan pwogram matènite a, ou pral kapab swiv pwogrè epi fè mizajou. W ap kapab fè mizajou eta gwosès la (si w ansent aktyèlman oswa si w akouche), ajoute/mete ajou dat ou ta dwe akouche, oswa anile enskripsyon w nan pwogram lan. 

Lè widjèt “My Pregnancy” (grossès mwen an) nan seksyon “Profile” (pwofil) ou an montre yon notifikasyon sèk wouj, ou ka peze sou li epi w mete dat gwosès aplikab ou yo (si w ansent kounye a (Dat Ou ta Dwe Akouche), oswa si ou te deja akouche tibebe w lan (Dat Ou Akouche). Lè w antre dat sa yo avèk presizyon, sa pral asire ou resevwa kontni aplikab pwogram lan anrapò avèk etap pakou gwosès ou a. 

Remak: Si w POKO akouche, tanpri PA mete yon Dat Akouchman. Kontni ki founi pou eksperyans pèsonèl ou baze sou dat yo ou te antre nan seksyon sa a.

Mande Enskripsyon nan yon Pwogram Swen Byometrik 

Nan onglè pwofil la, ou ka mande enskripsyon nan sèten Pwogram Swen Byometrik ki pèmèt ou pran kontwòl demach swen sante w yo! 

Pwogram sa yo disponib pou ou fè demann (Remak: si w pa wè youn nan opsyon sa yo disponib pou ou, tanpri voye yon “mesaj tchat” bay Ekip Swen w lan atravè aplikasyon an):  

• Kontwolè Pwa Chak Semèn 

• Kontwolè Pwa Chak Jou 

• Kontwolè Pwa Chak Semèn Prenatal 

• Kontwolè Pwa Chak Semèn pou Timoun (Pedyatrik) 

• Kontwolè Pwa Chak Jou pou Timoun (Pedyatrik) 

• Kontwolè Tansyon Chak Jou Prenatal 

• Kontwolè Tansyon Chak Jou pou Timoun (Pedyatrik) 

• Kontwolè Tansyon Chak semèn 

• Kontwolè Tansyon Chak Jou 

• Kontwolè Tansyon nan Maten 

• Kontwolè Tansyon nan Apremidi 

• Kontwolè Tansyon nan Aswè 

Pou ou fè demann enskripsyon (Remak: Ou ka sèlman fè demann enskripsyon pou 1 nan pwogram swen sa yo alafwa):  

1. Defile desann rive anba ekran Pwogrè a (oswa klike sou onglè “Widgets” la ki anwo adwat ekran an epi klike sou “Add Health Tracker”.(Ajoute Zouti pou Ou Swiv Sante w”.) 

2. Klike sou bouton “Browse Trackers” (Chèche Zouti pou Suivi yo.) a nan widjèt “ Add Health Tracker” la. 

3. Konsantre sou kategori ki apwopriye a (Pwa oswa Tansyon) 

4. Chwazi nan ki Zouti pou Suivi espesifik ou ta renmen enskri 

5. Klike sou bouton “Request to Enroll” (Demann pou Ou Enskri” a. (Ou pral resevwa yon konfimasyon ki parèt, klike sou “Request” (Demann) pou ou voye demann lan bay Ekip Swen w lan.) 

6. Yo pral ranplase Widjèt “Add Health Tracker”(Ajoute Zouti pou ou Swiv Sante w) ak yon Widjèt ki montre non ak dat demann Zouti pou Suivi yo mande a. 

Òganize Onglè Pwogrè A 

Onglè Pwogrè a ofri w posiblite pou w reyòganize lòd afichaj widjèt pwogrè sante w yo, pou w ka bay priyorite ak sa yo ki pi enpòtan pou ou!  

Remak: Ou pa ka retire okenn nan widjèt yo. Anplis, si w enskri nan yon pwogram ki baze sou dat (tankou pwogram matènite oswa pwogram pwosedi medikal), ou p ap kapab deplase widjèt “dat” la epi li pral rete anlè onglè Pwogrè a jiskaske pwogram sa fini. 

Pou reyòganize widjèt onglè Pwogrè yo: 

1. Louvri onglè Pwogrè a, epi peze sou senbòl “filtè” nan anwo adwat sou ekran an. Sa a pral afiche yon lis tit widjèt, ak senbòl twa trè adwat chak tit. 

2. Peze epi kenbe senbòl twa trè a sou widjèt ou ta renmen reyòganize a epi trennen l nan plas ou vle li ale a. 

3. On fwa ou satisfè avèk lòd ki fèk ranje a, peze SAVE (sovgade) nan anba sou aplikasyon an. 

4. Sa fè w tounen nan onglè Pwogrè a, kote ou pral wè tout widjèt sante w yo nan lòd ou fenk chwazi.